2 எண்ணிக்கை பாடல் பாட
பூநிலாய ஐந்துமாய்* புனற்கண்நின்ற நான்குமாய்,*
தீநிலாய மூன்றுமாய்* சிறந்த கால்இரண்டுமாய்,*
மீநிலாயது ஒன்றும்ஆகி* வேறுவேறு தன்மையாய்,*
நீநிலாய வண்ணம்நின்னை* யார்நினைக்க வல்லரே?* (2)
தன்னுளே திரைத்துஎழும்* தரங்க வெண் தடங்கடல்*
தன்னுளே திரைத்துஎழுந்து* அடங்குகின்ற தன்மைபோல்,*
நின்னுளே பிறந்துஇறந்து* நிற்பவும் திரிபவும்,*
நின்னுளே அடங்குகின்ற* நீர்மை நின்கண் நின்றதே,* (2)
செழுங்கொழும் பெரும்பனி பொழிந்திட,* உயர்ந்தவேய்-
விழுந்துஉலர்ந்துஎழுந்து* விண்புடைக்கும் வேங்கடத்துள்நின்று*
எழுந்திருந்து தேன்பொருந்து* பூம்பொழில் தழைக்கொழும்*
செழுந்தடங் குடந்தையுள்* கிடந்தமாலும் அல்லையே? (2)